Эксперт ҳакамлар гуруҳи Суперлига 18-туридан ўрин олган "Пахтакор" – "Сурхон" учрашувидаги баҳсли вазият бўйича хулосасини эълон қилди. Учрашув 0:0 ҳисобида якунланган, VAR ҳаками сифатида Равшан Абдувоҳидов ишлаган.

90+4-дақиқада "Пахтакор" томонидан киритилган гол VAR текширувидан кейин бош ҳакам томонидан бекор қилинган.

Эксперт ҳакамлар гуруҳи хулосасига кўра, ушбу эпизодда VAR ҳаками хатога йўл қўйган. Хусусан, Равшан Абдувоҳидов бош ҳакамни вазиятни монитор орқали шахсан қайта кўриб чиқишга чақирмаган ва шу тариқа VAR протоколи талабларини бузган.

Натижада бош ҳакам эпизодни мониторда кўрмасдан, VAR ҳаками берган маълумот асосида голни бекор қилган.

VAR протоколи талабларини бузгани инобатга олиниб, Равшан Абдувоҳидов мавсум якунига қадар VAR ҳаками сифатида ишлашдан четлатилди.