“Barselona” klubi yarim himoyachisi Paulinyo Ispaniya chempionatining 5 – turidan o‘rin olgan “Eybar”ga qarshi (6:1) uchrashuvdan so‘ng fikrlarini bildirib o‘tdi.
Ma’lumot uchun, Paulinyo ushbu o‘yinda bir gol va golli uzatma mualifiga aylandi.
“Kim mening istedodimga shubha bilan qaragan bo‘lsa, ularga hech narsani isbotlab berishim shart emas. Lekin klub va jamoadoshlarimga o‘zimni “Barselona”da o‘ynashga loyiq ekanligimni isbotlashim kerak.
Eng yaxshi o‘yin uslubi – bu maydonda munosib o‘yin ko‘rsatish va gollar urish. Qo‘shimchasiga jamoa g‘alabasi muhimroq hisoblanadi.
Ha, jamoa muvafaqqiyati shaxsiy ko‘rsatkichlardan ustun lekin urilgan gollar jamoaga moslashishimga tezroq yordam beradi”, - deydi Paulinyo El Mundo Deportivo nashriga bergan intervyusida.
