"Manchester Siti" yarim himoyachisi Raxim Sterling "Kristal Pelas" (5:0) ustidan qozonilgan yirik hisobdagi g‘alabadan keyin fikrlari bilan o‘rtoqlashdi.
"Qachonki biz qulay vaziyatda bo‘lsak, to‘g‘ri qarorlarni qabul qilamiz. Bunday pallada faqat gol urish kerak.
O‘yindan keyin Roy Xojson bilan gaplashdim va hammasi yaxshi bo‘lishini tiladim. U top murabbiy, kelgusi faoliyatiga omad tilayman", - deydi Sterling.
Xojson 12 sentyabr kuni "Kristal Pelas"ning yangi bosh murabbiyi sifatida tanishtirildi. London jamoasi chempionatda hali gol urmadi va ochko to‘play olmadi.
