«Formuli-1» avtopoygalari bo‘yicha yetti karra jahon chempioni, germaniyalik Mixael Shumaxer yana koma holatiga tushib qoldi. Uni sun’iy nafas olish uskunasiga ulashga majbur bo‘lishdi. Vrachlarning aytishicha, shu kungacha Shumaxerning bo‘yi 14 santimetrga qisqargan. Vazni esa ilgari 74 kilogramm edi, hozir 45 kiloga tushib ketgan. Ayni paytda u Shveysariyadagi Jenevo ko‘li yonida joylashgan shaxsiy villasida tibbiy muolajalar olmoqda. Rafiqasi aytib o‘tdiki, koma holatidan chiqsa, uni Amerikadagi nufuzli klinikalardan biriga olib borishadi.
Eslatib o‘tamiz, 2013 yili Shumaxer Alp kurortida tog‘ chang‘isida uchish jarayonida halokatga uchragan va koma holatiga tushgan. Uni vertolyotda kasalxonaga olib ketishgan. Shu kunga qadar Shumaxer bir necha jiddiy jarrohlik amaliyotlarini boshidan kechirdi. Afsuski, foydasi bo‘lmayapti.
