«Формулы-1» автопойгалари бўйича етти карра жаҳон чемпиони, германиялик Михаэл Шумахер яна кома ҳолатига тушиб қолди. Уни сунъий нафас олиш ускунасига улашга мажбур бўлишди. Врачларнинг айтишича, шу кунгача Шумахернинг бўйи 14 сантиметрга қисқарган. Вазни эса илгари 74 килограмм эди, ҳозир 45 килога тушиб кетган. Айни пайтда у Швейцариядаги Женево кўли ёнида жойлашган шахсий вилласида тиббий муолажалар олмоқда. Рафиқаси айтиб ўтдики, кома ҳолатидан чиқса, уни Америкадаги нуфузли клиникалардан бирига олиб боришади.
Эслатиб ўтамиз, 2013 йили Шумахер Альп курортида тоғ чанғисида учиш жараёнида ҳалокатга учраган ва кома ҳолатига тушган. Уни вертолётда касалхонага олиб кетишган. Шу кунга қадар Шумахер бир неча жиддий жарроҳлик амалиётларини бошидан кечирди. Афсуски, фойдаси бўлмаяпти.
