Мадриднинг «Реал» клуби ҳужумчиси Эндрик жорий трансфер ойнасида жамоани тарк этмайди.

Инсайдер Фабрицио Романо хабар беришича, бразилиялик футболчини жамоада олиб қолиш қарори клуб раҳбарияти ва бош мураббий Жозе Моуринью томонидан якдиллик билан қабул қилинган. Аввалроқ испан ОАВлари ҳам «қироллик клуби» Эндрикни ўз таркибида сақлаб қолишни режалаштираётгани ҳақида хабар берган эди.

Португалиялик мутахассис Эндрикка ишонч билдирмоқда ва футболчининг камида январь ойига қадар «Реал»да қолишини хоҳламоқда. 20 ёшли ҳужумчи жамоада 9-рақамли футболкада ҳаракат қилади.

Эндрик ўтган мавсумнинг биринчи ярмида «Реал» асосий таркибига мунтазам кира олмагани сабабли йил бошида ижара асосида «Лион»га йўл олган эди. У Франция клубида ўзини яхши томондан намойиш қилиб, Карло Анчелоттини ишонтирди ва мураббий уни Бразилия терма жамоасига қайта чақирди.