Madridning «Real» klubi hujumchisi Endrik joriy transfer oynasida jamoani tark etmaydi.

Insayder Fabrisio Romano xabar berishicha, braziliyalik futbolchini jamoada olib qolish qarori klub rahbariyati va bosh murabbiy Joze Mourinyu tomonidan yakdillik bilan qabul qilingan. Avvalroq ispan OAVlari ham «qirollik klubi» Endrikni o‘z tarkibida saqlab qolishni rejalashtirayotgani haqida xabar bergan edi.

Portugaliyalik mutaxassis Endrikka ishonch bildirmoqda va futbolchining kamida yanvar oyiga qadar «Real»da qolishini xohlamoqda. 20 yoshli hujumchi jamoada 9-raqamli futbolkada harakat qiladi.

Endrik o‘tgan mavsumning birinchi yarmida «Real» asosiy tarkibiga muntazam kira olmagani sababli yil boshida ijara asosida «Lion»ga yo‘l olgan edi. U Fransiya klubida o‘zini yaxshi tomondan namoyish qilib, Karlo Anchelottini ishontirdi va murabbiy uni Braziliya terma jamoasiga qayta chaqirdi.