«Кристал Пэлас» ярим ҳимоячиси Адам Уортон «Манчестер Сити»да Родрининг ўрнини босиши мумкин бўлган футболчилардан бири сифатида кўрилмоқда.

«Шаҳарликлар» ёз бошидаёқ англиялик футболчининг эҳтимолий трансфери бўйича «Кристал Пэлас» билан алоқага чиққан эди. Журналист Бен Жейкобс маълумотига кўра, агар Родри «Манчестер Сити»ни тарк этса, томонлар ўртасидаги музокаралар яқин вақт ичида қайта бошланиши мумкин.

Уортонга «Манчестер Юнайтед» ҳам қизиқиш билдирган. Бироқ 22 ёшли футболчи бўйича «Кристал Пэлас» ҳозирча расмий таклиф олмаган.

Transfermarkt портали Уортоннинг трансфер қийматини 70 миллион евро деб баҳоламоқда.

Айни пайтда Родрининг «Барселона»га ўтиши эҳтимоли юқори. Томонлар ўртасида музокаралар давом этмоқда. «Манчестер Сити» испаниялик ярим ҳимоячининг трансферидан 70 миллион евродан ортиқ маблағ ишлаб олишни кутмоқда.