Дарвозабон Херонимо Рули «Манчестер Сити»га қайтиши ҳақида фикр билдирди.

Аргентина терма жамоасининг 34 ёшли голкипери Англия клубига «Марсель»дан кўчиб ўтди. Рули 2016 йилдан 2017 йилгача ҳам «Ман Сити» ўйинчиси бўлган, аммо асосий жамоада бирорта ҳам ўйин ўтказмаган эди.

«Мен Хулиан Альварес билан гаплашдим ва: «Менда бу ерга келиш имконияти бор», дедим. У эса: «Сен дунёнинг энг яхши клубларидан бирига тушасан», деб жавоб берди ва бу мен учун жуда кўп нарсани англатади. У бу ерда кўп йил ўтказди ва, ўйлашимча, ҳамма нарсани ютиб олди. Бундай сўзларни эшитиш ҳақиқатан ҳам муҳим. Мен уни биламан, у менга жуда ёқади ва унинг сўзларини юракдан ҳис қилдим. У менга яшаш учун жойларни тавсия қилди, бу жуда ёқимли.

Аргентинада биз Серхио Агуэро ва унинг машҳур голини, шунингдек, Николас Отаменди, Хулиан, энди эса Клаудио Эчеверрини томоша қилиб улғайганмиз. Ўйлашимча, «Манчестер Сити» ҳақида гапирилганда Аргентина ва терма жамоанинг буюк ўйинчилари ёки юлдузлари ҳам назарда тутилади. «Манчестер Сити»да тўп сурадиган аргентиналик футболчилар қаторига кириш жуда ажойиб бўлади», – деди Рули.