Darvozabon Xeronimo Ruli «Manchester Siti»ga qaytishi haqida fikr bildirdi.

Argentina terma jamoasining 34 yoshli golkiperi Angliya klubiga «Marsel»dan ko‘chib o‘tdi. Ruli 2016 yildan 2017 yilgacha ham «Man Siti» o‘yinchisi bo‘lgan, ammo asosiy jamoada birorta ham o‘yin o‘tkazmagan edi.

«Men Xulian Alvares bilan gaplashdim va: «Menda bu yerga kelish imkoniyati bor», dedim. U esa: «Sen dunyoning eng yaxshi klublaridan biriga tushasan», deb javob berdi va bu men uchun juda ko‘p narsani anglatadi. U bu yerda ko‘p yil o‘tkazdi va, o‘ylashimcha, hamma narsani yutib oldi. Bunday so‘zlarni eshitish haqiqatan ham muhim. Men uni bilaman, u menga juda yoqadi va uning so‘zlarini yurakdan his qildim. U menga yashash uchun joylarni tavsiya qildi, bu juda yoqimli.

Argentinada biz Serxio Aguero va uning mashhur golini, shuningdek, Nikolas Otamendi, Xulian, endi esa Klaudio Echeverrini tomosha qilib ulg‘ayganmiz. O‘ylashimcha, «Manchester Siti» haqida gapirilganda Argentina va terma jamoaning buyuk o‘yinchilari yoki yulduzlari ham nazarda tutiladi. «Manchester Siti»da to‘p suradigan argentinalik futbolchilar qatoriga kirish juda ajoyib bo‘ladi», – dedi Ruli.