«Арсенал»га ўз ҳужумчиси трансфери бўйича салмоқли таклиф келиб тушди.

«Галатасарай» Габриэл Мартинелли учун 45 миллион евро таклиф қилди. Бу ҳақда таниқли журналист Флориан Плеттенберг ижтимоий тармоқларда хабар берди. 

Қайд этилишича, айни пайтда Мартинелли «Галатасарай»нинг ёзги трансферлар бозоридаги асосий мақсади ҳисобланади.

Transfermarkt портали 25 ёшли Габриэл Мартинеллини айнан 45 миллион евро деб баҳоламоқда. Амалдаги шартнома бразилиялик футболчини «Арсенал» билан 2027 йил ўрталаригача боғлаб туради.

Мартинелли «Арсенал» сафида 278 та учрашув ўтказиб, 62 та гол урди ва шерикларига 36 та голли узатма берди.