«Вильярреал» ҳужумчиси Жорж Микаутадзе «Барселона»нинг қизиқишлари доирасига тушди.

Sport нашрига таяниб Barca Universal хабар беришича, 25 ёшли футболчи «Атлетико» ҳужумчиси Хулиан Альварес трансфери амалга ошмаган тақдирда «Барселона» учун муқобил вариантлардан бири сифатида кўрилмоқда.

«Кўк-анорранглилар» аллақачон Грузия терма жамоаси ҳужумчисининг вакиллари билан алоқага чиққан. «Вильярреал» эса футболчиси учун тахминан 60–65 млн евро талаб қилиши кутилмоқда.

Манба маълумотига кўра, Микаутадзенинг ўзи ҳам «Барселона»га ўтиш вариантига ижобий қарамоқда.

Ҳужумчи ўтган мавсум Ла Лигада 32 та ўйин ўтказиб, 13 та гол урди ва 6 та голли узатмани амалга оширди.