«Реал» ярим ҳимоячиси Арда Гюлер «ПСЖ»нинг янги асосий трансфер мақсадига айланди. Туркия ва Испания ОАВлари хабар беришича, Франция гранди 21 ёшли футболчи учун Мадрид клубига 115 миллион евро таклиф қилган.
«Реал» раҳбарияти мазкур таклифни кўриб чиқмоқда, аммо трансфер амалга ошиш эҳтимоли юқори эмас. Мадридликлар Гюлерни жамоанинг энг истиқболли футболчиларидан бири сифатида баҳоламоқда ва уни сотишга шошилмаяпти.
Туркия ОАВларининг қўшимча қилишича, агар битим амалга ошса, Гюлернинг собиқ клуби «Фенербахче» ҳам катта миқдорда маблағ ишлаб олади. Туркия клуби футболчининг кейинги трансферидан 20 фоиз улуш олиш ҳуқуқига эга. Шу тариқа, 115 миллион евролик трансфер амалга ошган тақдирда, «Фенербахче» 23 миллион евро олади.
