AS нашри саҳифаларида Жозе Моуринью ҳақида мақола эълон қилинди. Унда «Special One»да жорий йил Португалия терма жамоасини бошқариш имконияти бўлгани айтилган.
Португалия футбол федерациясида Роберто Мартинес жаҳон чемпионатидан сўнг бош мураббийлик лавозимини тарк этишини билишган. Шу сабабли федерация Моуринью номзодини жиддий кўриб чиққан. Бироқ португалиялик мутахассис «Реал» президенти Флорентино Переснинг таклифига жавоб беришни маъқул кўрган.
«Жозе Моуринью — садоқатли инсон. У ўз одамларини бошқалардан кам бўлмаган даражада ҳимоя қилади ва ҳурмат қилади. Португалиялик мутахассис дўсти қийин вазиятга тушиб қолса, унга ёрдам бериш ва қўлидан келган барча ишни қилишга тайёр эканини бир неча бор кўрсатган. Ўтган йилнинг апрель ойида у Флорентино Пересдан қўнғироқ қабул қилиб, буни яна бир бор исботлади», — дейилади мақолада.
Якунда Португалия терма жамоасини Жорже Жезуш бошқарди. Унинг қўл остида португалияликлар Миллатлар лигаси стартида Уэльсни 1:0, Норвегияни эса 2:1 ҳисобида мағлуб этди.
