Испания терма жамоаси ва «Барселона» ҳужумчиси Ферран Торрес Жаҳон чемпионати финалининг сўнгги дақиқаларида Аргентина сардори Лионель Мессини қандай назорат қилгани ҳақида гапирди.
26 ёшли футболчи Аргентина терма жамоаси дарвозасини 106-дақиқада ишғол қилди. Унинг голи учрашувдаги ягона гол бўлиб қолди ва Испания тарихида иккинчи марта жаҳон чемпионлигига эришди.
«Финалнинг сўнгги беш дақиқасида бутун эътиборимни Мессини назорат қилишга қаратдим. Унга тўпни бир марта олишнинг ўзи ҳам вазиятни бутунлай ўзгартириш учун етарли эканини билардим.
Жамоамизнинг ғалаба қозонганига фақат ҳакамнинг якуний ҳуштаги чалинганидан кейин ишондим», — дея Торреснинг сўзларини The Touchline келтирди.
Ферран Торрес учрашувнинг 62-дақиқасида захирадан майдонга тушган. Лионель Месси эса баҳсни тўлиқ — биринчи дақиқадан сўнгги ҳуштакка қадар — ўтказган.
