Ispaniya terma jamoasi va «Barselona» hujumchisi Ferran Torres Jahon chempionati finalining so‘nggi daqiqalarida Argentina sardori Lionel Messini qanday nazorat qilgani haqida gapirdi.
26 yoshli futbolchi Argentina terma jamoasi darvozasini 106-daqiqada ishg‘ol qildi. Uning goli uchrashuvdagi yagona gol bo‘lib qoldi va Ispaniya tarixida ikkinchi marta jahon chempionligiga erishdi.
«Finalning so‘nggi besh daqiqasida butun e’tiborimni Messini nazorat qilishga qaratdim. Unga to‘pni bir marta olishning o‘zi ham vaziyatni butunlay o‘zgartirish uchun yetarli ekanini bilardim.
Jamoamizning g‘alaba qozonganiga faqat hakamning yakuniy hushtagi chalinganidan keyin ishondim», — deya Torresning so‘zlarini The Touchline keltirdi.
Ferran Torres uchrashuvning 62-daqiqasida zaxiradan maydonga tushgan. Lionel Messi esa bahsni to‘liq — birinchi daqiqadan so‘nggi hushtakka qadar — o‘tkazgan.
