Мадриднинг «Атлетико» клуби ҳужумчиси Хулиан Альвареснинг «Барселона»га ўтиш режаси амалга ошмади.

Тарқалаётган хабарларга кўра, аргентиналик футболчи трансфер масаласини муҳокама қилиш учун бош мураббий Диего Симеоне ва клуб бош директори Мигель Анхель Хиль Марин билан учраша олмаганидан норози. Журналист Педро Фульяна маълумотига кўра, «матрасчилар» футболчилари Альварес клубда қолган тақдирда уни қўллаб-қувватлашга ва маҳаллий мухлислар ишончини қайта қозонишига ёрдам беришга тайёр.

Шу билан бирга, клуб ичида аргентиналик ҳужумчи ўз хатосини омма олдида тан олиб, «Атлетико» мухлисларидан узр сўраши мақсадга мувофиқ, деган фикр мавжуд.

«Барселона» Хулиан Альварес учун тахминан 100 миллион евро таклиф қилган, аммо «Атлетико» музокаралар олиб боришдан бош тортмоқда.

Альвареснинг ўзи эса «Барселона» сафида тўп суришни орзу қилмоқда.