APL 10-turidan o‘rin olgan bugungi so‘nggi bahs o‘z poyoniga yetdi.
«King Pauer» stadionida «Everton»ni qabul qilgan «Lester» yangi bosh murabbiyi qo‘l ostida ishonchli g‘alabaga erishdi.
18-daqiqada «tulkilar»ning yosh futbolchilaridan biri Demaray Grey ajoyib tarzda qarshi hujumga qochib ketdi va to‘pni Riyod Maxrez yetkazdi. Jazoirlik futbolchi ham to‘p oyog‘iga tushishi bilan ajoyib tarzda Vardiga yetkazdi va hisob ochildi.
29-daqiqaga kelib esa Greyning qanotdan bergan zarbasi ajoyib aylanma traektoriya hosil qildi va bu himoyachini xato qilishga majbur etdi. Himoyachidan o‘tib ketgan to‘pni darvozabon ham kutmagan edi va natijada bu golga aylandi.
Shu tariqa «Lester» sobiq bosh murabbiy Kreyg Shekspir jamoani tark etganidan so‘ng ketma-ket ikkinchi g‘alabasini qo‘lga kiritdi.
ANGLIYA CHEMPIONATI. 10-TUR
LESTER – EVERTON 2:0 (2:0)
Gollar: 1:0 – 18 Vardi, 2:0 – 29 Grey.
Lester: Shmeyxel, Simpson, Morgan, Maguayr, Fuks, Grey, Ndidi, Iborra, Chiluell (Olbrayton, 83), Marez (Okadzaki, 75), Vardi (Ixeanacho, 90).
Everton: Pikford, Kenni, Djagelka, Uilyams, Beyns, Lennon (Baningime, 46), Devis, Guye, Miralyas (Nyasse, 46), Runi (Sigurdsson, 74), Kelvert-Lyuin.
Ogohlantirishlar: Devis (20), Guye (65).
