АПЛ 10-туридан ўрин олган бугунги сўнгги баҳс ўз поёнига етди.

«Кинг Пауэр» стадионида «Эвертон»ни қабул қилган «Лестер» янги бош мураббийи қўл остида ишончли ғалабага эришди.

18-дақиқада «тулкилар»нинг ёш футболчиларидан бири Демарай Грэй ажойиб тарзда қарши ҳужумга қочиб кетди ва тўпни Риёд Махрез етказди. Жазоирлик футболчи ҳам тўп оёғига тушиши билан ажойиб тарзда Вардига етказди ва ҳисоб очилди.

29-дақиқага келиб эса Грэйнинг қанотдан берган зарбаси ажойиб айланма траэктория ҳосил қилди ва бу ҳимоячини хато қилишга мажбур этди. Ҳимоячидан ўтиб кетган тўпни дарвозабон ҳам кутмаган эди ва натижада бу голга айланди.

Шу тариқа «Лестер» собиқ бош мураббий Крейг Шекспир жамоани тарк этганидан сўнг кетма-кет иккинчи ғалабасини қўлга киритди.

АНГЛИЯ ЧЕМПИОНАТИ. 10-ТУР

ЛЕСТЕР – ЭВЕРТОН 2:0 (2:0)

Голлар: 1:0 – 18 Варди, 2:0 – 29 Грэй.

Лестер: Шмейхель, Симпсон, Морган, Магуайр, Фукс, Грэй, Ндиди, Иборра, Чилуэлл (Олбрайтон, 83), Марез (Окадзаки, 75), Варди (Ихеаначо, 90).

Эвертон: Пикфорд, Кенни, Джагелка, Уильямс, Бейнс, Леннон (Банингиме, 46), Дэвис, Гуйе, Миральяс (Ньяссе, 46), Руни (Сигурдссон, 74), Кэлверт-Льюин.

Огоҳлантиришлар: Дэвис (20), Гуйе (65).