Oliy liganing so‘nggi turi doirasida "Lokomotiv" - "Bunyodkor" (3:2) jamoalari o‘rtasidagi o‘yindan keyingi matbuot anjumanida "temiryo‘lchilar" ustozlari Mirko Yelichich hamda Andrey Miklyayevlar qatnashishdi.

Mirko Yelichich: - Bugun juda xursand bo‘ldim. “Lokomotiv” mavsumni jismoniy, ruhiy tomondan bir tekis o‘tkaza oldi. Finaldan oldin yaxshi repetisiya qilib oldik deb o‘ylayman. Endi oltin dubl uchun harakat qilamiz.

Butun bir mavsumni tarkibdagi jarohatlar bilan o‘tkazdik. Ammo deyarli har bir uchrashuvga 22 nafar futbolchi tayyor bo‘lib turdi. Bu esa klubda tizim to‘g‘ri yo‘lga qo‘yilganligini bildiradi.

Legioner tanlashda xatoliklar borligini tan olamiz. Bizda mukammal skautlar tizimi yo‘lga qo‘yilmagani bois ham futbolchilarning internetdagi videolarini ko‘rgan holda xulosa chiqaramiz. Agarda Marat Bikmayevning xatti harakatlarini videoga jamlasa, “Real” u bilan qiziqib qolishi tayin.

“Nasaf”ni men oliy liganing eng kuchli jamoasi. Ularni ikkinchi davraning chempioni deb hisoblayman.

PRO lisenziyani qo‘lga kiritishni o‘ylab yuripman. Biroq oldinda ayrim rejalashtirilgan ishlar talaygina. 20 yildan beri jamoalarda tanaffussiz ilamoqdaman. O‘qigandan amaliyot o‘tagan yaxshiroq.

Andrey Miklyayev: - Juda xursandman. Biroq hozircha mavsum yakunlanmadi. Biz chempionatni, qaytaraman milliy chempionatni yuqori notada yakunlay oldik. Bu yil o‘tkan mavsumdagidanda qiynaldik. Sportda har doim chempionlikni himoya qilish qiyin bo‘ladi.

Muvaffaqiyatlar siri? Jamoada hech qanday kelishmovchiliklar yo‘q. Klubdagilar har doim o‘zaro ahil. Bu esa o‘yinlarda o‘z ta’sirini ko‘rsatadi va g‘alabalarga turtki bo‘ladi.