Олий лиганинг сўнгги тури доирасида "Локомотив" - "Бунёдкор" (3:2) жамоалари ўртасидаги ўйиндан кейинги матбуот анжуманида "темирйўлчилар" устозлари Мирко Йеличич ҳамда Андрей Микляевлар қатнашишди.
Мирко Йеличич: - Бугун жуда хурсанд бўлдим. “Локомотив” мавсумни жисмоний, руҳий томондан бир текис ўтказа олди. Финалдан олдин яхши репетиция қилиб олдик деб ўйлайман. Энди олтин дубль учун ҳаракат қиламиз.
Бутун бир мавсумни таркибдаги жароҳатлар билан ўтказдик. Аммо деярли ҳар бир учрашувга 22 нафар футболчи тайёр бўлиб турди. Бу эса клубда тизим тўғри йўлга қўйилганлигини билдиради.
Легионер танлашда хатоликлар борлигини тан оламиз. Бизда мукаммал скаутлар тизими йўлга қўйилмагани боис ҳам футболчиларнинг интернетдаги видеоларини кўрган ҳолда хулоса чиқарамиз. Агарда Марат Бикмаевнинг хатти ҳаракатларини видеога жамласа, “Реал” у билан қизиқиб қолиши тайин.
“Насаф”ни мен олий лиганинг энг кучли жамоаси. Уларни иккинчи давранинг чемпиони деб ҳисоблайман.
ПРО лицензияни қўлга киритишни ўйлаб юрипман. Бироқ олдинда айрим режалаштирилган ишлар талайгина. 20 йилдан бери жамоаларда танаффуссиз иламоқдаман. Ўқигандан амалиёт ўтаган яхшироқ.
Андрей Микляев: - Жуда хурсандман. Бироқ ҳозирча мавсум якунланмади. Биз чемпионатни, қайтараман миллий чемпионатни юқори нотада якунлай олдик. Бу йил ўткан мавсумдагиданда қийналдик. Спортда ҳар доим чемпионликни ҳимоя қилиш қийин бўлади.
Муваффақиятлар сири? Жамоада ҳеч қандай келишмовчиликлар йўқ. Клубдагилар ҳар доим ўзаро аҳил. Бу эса ўйинларда ўз таъсирини кўрсатади ва ғалабаларга туртки бўлади.
