Shu yilning 21-25 dekabr kunlari “Chig‘atoy” sport bazasida bolalar va o‘smirlar futbol murabbiylari uchun bilimlarni yangilash o‘quv kursi bo‘lib o‘tadi.
O‘quv kursida Toshkent va Toshkent viloyatidagi futbol maktablarida faoliyat yurituvchi jami 30 nafar bolalar va o‘smirlar murabbiylari ishtirok etishadi. O‘FF instruktori Dmitriy Kim tomonidan murabbiylar uchun nazariy va amaliy mashg‘ulotlar o‘tkaziladi.
O‘quv kursi yakunida murabbiylar olingan bilimlar bo‘yicha imtihon topshirishadi.
Bunday o‘quv kurslarini tashkil qilishdan asosi maqsad bolalar va o‘smirlar futboli bo‘yicha ish olib borayotgan murabbiylarning malakasini oshirish, ularning zamonaviy bilim va ko‘nikmalarga ega bo‘lishlarini ta’minlashdan iborat.
