"Barcelona" jamoasi albatta, siz-u biz uchun sevimli jamoamiz va dunyoda tengsiz bo‘lib qolaveradi, lekin hozirda ko‘plab raqamlarni xisobga oladigan bo‘lsak, "Manchester City" jamoasi ayni damga kelib Evropada №1 jamoa bo‘lib turibdi, lekin har jabxada emas.
Guardiolaning murabbiylik ishini birinchi bo‘lib maqtovlar ostida qoldirgan bu uning hamkasbi Ser Alex Ferguson bo‘ldi, u "MYU"ga qarshi o‘yinni asr jangi ham deb atagan edi. Pep ayni damga kelib, oddiygina jamoadan orzular jamoasini boshidan tuzib chiqishni boshlab yubordi. U nafaqadagi Fergidan keyingi o‘rinda bo‘lib yangi qudratli Manchesterni yaratmoqda.
Osmon rangga burkangan formada o‘ynayotgan jamoa barcha ommani kulimsiragan ohangdan, havas qiladigan holatga keltirmoqda. Oldingi mavsumdagi "Citi" jamoasidan bu mavsumda asar ham yo‘q, ular bu mavsumni jiddiy niyyatlar bilan boshlashdi. Pep ayni damda "APL"da o‘zining yangi diktatorligini boshlamoqda. Bu o‘yin bilan Pep o‘zining dunyoda tengi yo‘q "Barca"sini eslatmoqda.
Albatta, bu aniq, Pepning yangi rejasi asosida o‘ynayotgan jamoaning hali qo‘lga kiritilmagan sovrinlari haqida allaqachon hamma gapirmoqda. "Citi" bilan barcha grand jamoalarning solishtiruvi chempionlar ligasida ularning to‘qnashuvi bo‘lmagunicha bo‘laveradi. Lekin bu jamoalarga qarshi uchrashmasa ham ularni boshqa grand jamoalar bilan raqamlar orqali solishtirish mumkin.
To‘p uzatishdagi aniqlik
"PSG" — 89,5%
"Manchester City" — 88,5%
"Napoli" — 88,5%
"Real" — 88%
"Bavariya" — 87,9%