"Barselona" keyingi mavsumda Ispaniya Superkubogidagi ishtirokini naqd qildi.
La Liganing 37-turida Xavi shogirdlari “Rayo Valyekano”ni mag‘lub etishdi (3:0). So‘nggi tur oldidan “Jirona”dan farq 4 ochkoni tashkil etadi, bu esa “Barselona”ning mavsum yakunida 2-o‘rinni egallashini kafolatlaydi va bu Ispaniya Superkubogida ishtirok etish huquqini beradi.
Ispaniya Superkubogi yarim finalida “Barselona” “Atletik” bilan, “Real” esa “Malyorka” bilan o‘ynaydi.
Turnirning yarim final uchrashuvlari 2025 yilning 8 va 9 yanvariga, finali esa 12 yanvarga belgilangan.
