«Benfika»ning sobiq futbolchisi, hozirda murabbiylik qilayotgan Antoniu Simoynsh Krishtianu Ronalduni xudbinlikda aybladi. Simoynshning fikricha, jahon futboli tarixidagi eng yaxshi to‘purar o‘zini haddan tashqari ko‘p narsaga haqli deb hisoblamoqda.

Avvalroq Ronaldu Portugaliya terma jamoasi bosh murabbiyi Jorje Jezush uchun tayyorlagan bayonotini e’lon qilgan edi. Unda Norvegiyaga qarshi o‘yinda Ronalduni 30 daqiqa maydonga tushirish haqidagi va’da bajarilmagani uchun uzr so‘ralgan. Ronaldu bayonotda o‘zini Pele va Diyego Maradona darajasidagi futbolchi deb atagan.

«Men qirol Eysebio bilan birga o‘ynaganman, Pele va Maradona bilan muloqot qilganman. Men hech qachon bunday holatga duch kelmaganman. U xudbin», — deb Simoynshning so‘zlarini keltiradi O Jogo.

U Ronalduni terma jamoaga foyda keltirish uchun har doim ham asosiy tarkibda maydonga tushish shart emasligini qabul qilishga chaqirdi.