Madridning «Real» klubi fransuz hujumchisi o‘z faoliyatini «Liverpul»da davom ettirishi mumkin. Bu haqda futbol insayderi Fransua Galyardo xabar berdi. Avvalroq jurnalist Mbappe «Real» loyihasidan ko‘ngli qolgani va joriy mavsum yakunlanganidan so‘ng Angliya Premyer-ligasiga o‘tishni rejalashtirayotganini ma’lum qilgan edi.

Galyardoning ta’kidlashicha, ehtimoliy transfer qiymati 200 milliondan 250 million yevrogacha bo‘ladi. Mbappega «Liverpul»dan tashqari boshqa klublar ham qiziqish bildirmoqda. Biroq jurnalistning ta’kidlashicha, hujumchining o‘zi «mersisaydliklar» safiga o‘tishni afzal ko‘rmoqda.

Kilian Mbappe 2024 yilda «PSJ»dan «Real»ga o‘tgan. Shu vaqt davomida hujumchi Ispaniya Superkubogi va Qit’alararo kubokni qo‘lga kiritdi.