Xabaringiz bor, bugun Xitoyda 23 yoshgacha bo‘lgan futbolchilar o‘rtasidagi Osiyo chempionatiga start berildi.
Mazkur musobaqada ishlash uchun o‘zbekistonlik hakamlar ham taklif etilgani haqida avval xabar berib o‘tgandik.
Hamyurtimiz FIFA referisi Valentin Kovalenko ertaga 10 yanvar kuni bo‘lib o‘tadigan "S" guruhidan o‘rin olgan Iroq - Malayziya uchrashuvini boshqarib boradi. Unga qanotlarda Abduhamidullo Rasulov va Jahongir Saidovlar yordam berishadi. Ravshan Ermatov mazkur uchrashuvda darvoza ortidagi hakam sifatida ish olib boradi.
Osiyo chempionatiga hakamlar nazoratchisi sifatida taklif etilgan Farhod Abdullayev esa ochilish uchrashuvidan o‘rin olgan Xitoy - Ummon uchrashuvida inspektor sifatida ishladi.
