Ganalik hakam Jozef Lampti FIFA tomonidan umrbod diskvalifikasiya qilindi.
Referi JCH-2018 saralashidan o‘rin olgan JAR - Senegal o‘yinida, to‘pni qo‘li bilan o‘ynalgan deb hisoblab, penalti belgilagan edi. Ammo, takroriy lavhada to‘p futbolchining tizzasiga tekkani ma’lum bo‘lgandi.
FIFA tashkiloti bayonotiga ko‘ra, Lampti o‘zi ishtirok o‘yinlarga bukmekerlik idoralarida pul tikkan. Aynan shu narsa uning ko‘plab «xatolarga yo‘l qo‘yishi»ga sabab bo‘lgan. 43 yoshli hakam «o‘yin natijasiga qasddan ta’sir qilish»da ayblangan. Xususan, JAR – Senegal o‘yinida, 5ta bukmekerlik idorasi Lampti yo‘l qo‘ygan xatoga ko‘plab pul tikilganini aniqlagan.
Jozef Lampti FIFA qarori yuzasidan Sport arbitraj sudiga shikoyat qilgan edi. Biroq, tashkilot FIFA qarorining qonuniy ekanini tan oldi.
