"Real" bosh murabbiyi Zinedin Zidan Ispaniya kubogida "Leganes" bilan javob uchrashuvi oldidan jamoa muxlislaridan safga ndi qaytgan Karim Benzemaga hushtakbozlik qilmasliklarini so‘radi.
"Karim tezroq safimizga qaytishni istadi va mana, u safimizda. Unga zavq keltiradigan yagona narsa - maydonda sheriklari bilan to‘p surish, uning qaytgani yaxshi bo‘ldi.
Ammo unga nisbatan hushtakbozlik qilish xunuk bo‘lar edi. Bu narsa unda bo‘lgan va boshqalarda ham bo‘lishi mumkin.
Muxlislar biz bilan birga bo‘lishlari kerak. Albatta, ular o‘z fikriga ega bu huquqni ular sotib olmoqdalar, ammo men muxlislarning 90 daqiqa biz bilan birga bo‘lishlarini istayman.
O‘yindan so‘ng nima bo‘lsa bo‘laversin. Ammo o‘yin vaqtida biz bilan bo‘ling. Karim ertaga maydonga tushishi mumkin", - deydi Zidan.
