Xabaringiz bor, 27 yanvar kuni Toshkent vaqti bilan soat 13:00da Xitoyning Chanjou shahrida U-23 Osiyo chempionati finali bo‘lib o‘tadi.

Finalda O‘zbekiston terma jamoasi Vyetnamga qarshi bahs olib boradi. Mazkur uchrashuv “Sport” telekanali orqali jonli efirda namoyish qilinadi. Final o‘yinini O‘zbekistondagi futbol muxlislari birgalikda tomosha qilishlari va terma jamoamizni qo‘llab quvvatlashlarini ta’minlash uchun Vyetnam – O‘zbekiston uchrashuvi katta ekranda namoyish qilinadi.

Toshkentdagi “O‘zbekiston” sport majmuasida 14X5 metrli katta ekran o‘rnatiladi. Muxlislar O‘zbekiston Futbol Assosiasiyasi tomonidan bepul taqdim qilinadigan taklifnomalar orqali 27 yanvar kuni “O‘zbekiston” sport majmuasiga tashrif buyurib, U-23 Osiyo chempionati finalidan o‘rin olgan Vyetnam – O‘zbekiston uchrashuvini tomosha qilishlari mumkin. Uchrashuv tanaffusida estradamiz yulduzlari ishtirokida konsert dasturi ham bo‘lib o‘tadi.

Muxlislar O‘FA tomonidan taqdim qilinadigan bepul taklifnomalarni qo‘lga kiritish uchun 26 yanvar kuni soat 09:00dan 15:00ga qadar quyidagi telefon raqamlariga qo‘ng‘iroq qilishlari mumkin:

+998 98 307 80 88

+998 90 985 42 88

*Taklifnomasi yo‘q muxlislar 27 yanvar kuni “O‘zbekiston” sport majmuasiga kiritilmaydi.