Xitoy Taypeyida futzal bo‘yicha Osiyo chempionati davom etmoqda. Navbatdagi bosqich masalasini muddatidan oldin hal qilgan O‘zbekiston futzal terma jamoasi bugun guruhdagi so‘nggi o‘yinni Yaponiya terma jamoasiga qarshi o‘tkazdi.

Afsuski, ushbu bahsda omad tajribali hisoblangan Yaponiya terma jamoasiga kulib boqdi. Hamyurtlarimizning ikkita goliga raqiblar to‘rtta gol bilan javob berdilar.

O‘zbekiston – Yaponiya 2:4
Gollar: F.Abdumavlonov 3, A.YUnusov 26 - K.Morioka 21, SH.Hoshi 24, 35, R.Nishitani 39
O‘zbekiston (birinchi beshlik): 1.Rustam Umarov, 14.Konstantin Sviridov, 11.Artur Yunusov, 7.Dilshod Rahmatov, 8.Farhod Abdumavlonov.
Zaxira: 12.Akmal Xazratqulov, 6.Ilhom Hamroyev, 4.Ixtiyor Ropiyev, 9.Davron Abdurahmonov, 13.Husniddin Nishonov, 5.Dilmurod Shavkatov, 3.Mashrab Odilov, 2.Anasxon Rahmatov, 10.Davron Choriyev.
Yaponiya (birinchi beshlik): Yaponiya (birinchi beshlik): 2.Xigor Pires, 14.Riosuke Nishitani, 8.Takita Manabu, 7.Rafael Xenmi, 9.Kaoru Morioka.
Zaxira: 1.YUshi Sekiguchi, 5.Akira Minamoto, 10.Nibuya Kazuhiro, 13.Tomoaki Vatanabe, 11.SHota Hoshi, 6.Tomoki Yoshikava, 3.YUki Murota, 4.Koichi Saito, 12.Kazuya Shimizu.

Shu tariqa, O‘zbekiston terma jamoasi guruhda ikkinchi o‘rinni qo‘lga kiritdi. Endi vakillarimiz chorak finalda "A" guruhida birinchi o‘rinni qo‘lga kiritgan terma jamoaga qarshi o‘ynaydilar.

Hozircha, terma jamoamizning raqibi noma’lum. U Xitoy Taypeyi, Malayziya yoki Vyetnam terma jamoalaridan biri bo‘ladi.