AGMK jamoasi Antaliyada davom etayotgan ikkinchi o‘quv-mashg‘ulot yig‘ini rejasidan o‘rin olgan birinchi nazorat uchrashuvini o‘tkazdi.
Bu o‘rtoqlik nazorat bahsi bo‘lganligi bois, bosh murabbiy Viktor Kumikov mashg‘ulotlarda ishtirok etayotgan barcha futbolchilarga maydonga tushish imkoniyatini berdi.
O‘yin davomida to‘pni nazorat qilish va hujumlar tashkil etishda AGMK futbolchilari faollik ko‘rsatishdi. Dastlabki 45 daqiqalikda hisob ochilmadi. Ikkinchi taymda har bir jamoa bittadan gol urishga erishdi.
Dastlab Vadim Chemirtanga nisbatan ishlatilgan qo‘pollikdan so‘ng, ukrainalik hakam penalti belgilagach, jabrlanuvchining o‘zi bu imkoniyatdan unumli foydalanib hisobni ochdi. Bu o‘yinning 78-daqiqasida sodir bo‘ldi.
Oradan 4 daqiqa o‘tib raqib burchakdan oshirib berilgan to‘pni Nizomiddin Ziyovutdinov qo‘riqlayotgan darvozaga kiritishga muvaffaq bo‘ldi. O‘yin shu hisobda yakuniga yetdi.
AGMKning navbatdagi o‘rtoqlik uchrashuvi 9 fevral kuni Rossiyaning "Nefteximik" jamoasiga qarshi bo‘lib o‘tadi.
