Ispaniya kubogining yarim finalida "Barselona" klubi "Valensiya"ni mag‘lub etib, finalga chiqdi.

Shu tariqa, ketma-ket 8 marta yarim finalda o‘ynagan kataloniyaliklar ketma-ket beshinchi marta final yo‘llanmasini qo‘lga kiritishdi. Bu esa rekord natija hisoblanadi. Shu paytgacha Ispaniyaning hech bir jamoasi ketma-ket besh marta finalga chiqa olmagandi.

Shuningdek, «Barselona» Ispaniya kubogining finalida ishtirok etish bo‘yicha ham mutlaq rekord o‘rnatdi — 40 marta. «Real» hisobida raqibga nisbatan bitta kam final bor (39). "Ko‘k-anorranglilar" shu paytgacha 29 marta Ispaniya Qirollik kubogini boshlari uzra balan ko‘targan bo‘lsa, "Qirollik klubi" bu sovringa 19 marta ega chiqqan.