Yangi mavsumga astoydil tayyorgarlik ko‘rayotgan «Andijon» poytaxtdagi yig‘in chog‘ida o‘z tarkibini kuchaytirib bormoqda.
Xususan, kuni-kecha tarkibga «Mash’al»dan Avaz Agaliyev va «Buxoro»dan Alisher Samatov kelib qo‘shildi. Agaliyev chap qanot himoyachisi bo‘lsa, Samatov himoya chizig‘ining markazi va o‘ng qanotida birdek o‘ynay oladi. Aytish mumkinki, ushbu futbolchilar shubhasiz «Andijon»ning o‘yinini kuchaytiradi.
«Burgutlar» ertaga Toshkentdagi yig‘ini chog‘ida navbatdagi nazorat uchrashuvini o‘tkazadi. Sparring-raqib super liga vakili «Buxoro» jamoasidir. O‘yin «Bunyodkor» mashg‘ulot maydonida soat 15:00da boshlanishi rejalashtirilgan.
«Andijon» matbuot xizmati.
