Bugun "Paxtakor" bosh murabbiyi Shota Arveladze 45 yoshni qarshi olmoqda.

Shota futbolchi sifatida juda mashhur bo‘lgan. U «Martve» (Gruziya), «Dinamo» (Tbilisi, Gruziya), «Trabzonspor» (Turkiya), «Ayaks» (Gollandiya), «Reynjers» (SHotlandiya), «AZ» (Gollandiya) va «Levante» (Ispaniya) klublarida o‘ynagan.

Shota Yustinovich Gruziya terma jamoasi tarixida eng yaxshi to‘purar sanaladi - 26 gol muallifiga aylangan. 11-raqamli libos Gruziya FF qarori bilan umrbod unga berilgan.

Faoliyatida 610 uchrashuvda maydonga tushgan Shota Arveladze 383 to‘p kiritgan.

Shota Arveladze o‘tgan yilning iyun oyida jamoamiz bosh murabbiyiga aylangan. Murabbiylik faoliyatini 2008 yil AZ klubida Lui Van Galning yordamchisi sifatida boshlagan. Keyin Turkiyada "Qayserispor" va "Qosimposho" jamoalarini boshqargan. Isroilda «Makkabi» Tel-Aviv klubida ishlagan.

Shota Arveladzening sovrinlari:

- "Ayaks" tarkibida Gollandiya chempioni (1997/98) va Gollandiya Kubogi sohibi (1997/98 va 1998/99);

- "Reynjers" tarkibida Shotlandiya chempioni (2002/03 va 2004/05) va Shotlandiya Kubogi sohibi (2001/02 va 2002/03).

- Gruziyaning eng yaxshi futbolchisi (1994, 1998 va 2007)

- Turkiya chempionati to‘purari (1995/96).

Shuningdek, bugun Shotaning egizagi Archil Arveladzening ham tug‘ilgan kuni. U «Dinamo» (Tbilisi, Gruziya), «Trabzonspor» (Turkiya), «NAK Breda» (Gollandiya), «Kyoln» (Germaniya), «Lokomotiv» (Tbilisi) klublarida o‘ynagan. Gruziya terma jamoasi safida 8 yil mobaynida maydonga tushgan.

"Paxtakor" futbol klubi Shota va Archil Arveladzeni tug‘ilgan kuni bilan tabriklaydi. Ularga uzoq umr, salomatlik, hayoti va faoliyatida yangi zafarlar tilab qoladi!