Ayni paytda Toshkentdagi “Universal” sport majmuasida “World Series of Boxing” doirasida janglar o‘tkazilmoqda.
Unda, O‘zbekistonning “Uzbek Tigers” va Kubaning “Cuba Domadores” jamoalari o‘rtasida beshta jang bo‘lib o‘tishi rejalashtirilgan.
Avvalroq, eng yengil vazn toifasida (49 kg.) Hasanboy Do‘smatov o‘zining jahondagi asosiy raqibi Yoanis Argilagosga qarshi ringga ko‘tarilib, 3:0 hisobida yirik g‘alabaga erishgani haqida xabar bergandik.
Do‘stmatovdan so‘ng, -56 kg vazn toifasida Shahobiddin Zoirov Robeysi Ramiresga qarshi ringga ko‘tarildi va Olimpiada chempioni raqibini 2:0 hisobi bilan chiroyli tarzda mag‘lubiyatga uchratdi.
Uchinchi jang -64 kg vazn toifasida Iqboljon Xoldorov va Endi Kruz o‘rtasida bo‘lib o‘tdi. Xoldorov ham xuddi jamoadaoshlari kabi g‘alaba qozonmoqchi bo‘lgandi, ammo yakunda o‘zbekistonlik bokschi 1:2 hisobida imkoniyatni boy berib qo‘ydi.
Demak, bugungi to‘qnashuvda hisob 2:1 ko‘rinishiga yetdi.
“Uzbek Tigers” – “Cuba Domadores” - 2:1.
Bugungi janglar:
-49kg: HasanboyDo‘smatov — YohannisArgilagos - 3:0.
-56kg: Shahobiddin Zoirov — Robeysi Ramires. - 2:0.
-64kg: Iqboljon Xoldorov — Endi Kruz - 1:2.
-75kg: Isroil Madrimov — Arlen Lopez
-91kg: Sanjar Tursunov — Erislandi Savon
