“Inter” klubi hujumchisi Mauro Ikardi katta ehtimol bilan shu yil Rossiyada bo‘lib o‘tadigan jahon chempionati musobaqasiga bormaydi.

Fox Sports nashrining xabariga ko‘ra, Argentina terma jamoasi bosh murabbiyi Xorxe Sampaoli “Inter” klubi sardorini chaqirmaslikka qaror qilgan.

Xabarda aytilishicha, Ikardi hozirda jahon chempioanatida o‘ynash darajasiga ega emas va shuningdek, Argentina termasining yetakchilari bilan ham yaxshi aloqada emas.

Ma’lumot o‘rnida, 25 yoshli futbolchi joriy mavsum 22 o‘yinda ishtirok etib, 18 ta gol urib Italiya chempionati to‘purarlar poygasida ikkinchi o‘rinni egallab turibdi.