Superliga 2-turidan o‘rin olgan AGMK - "Navbahor" uchrashuvi yakunlangach, mehmonlar yarim himoyachisi va ajoyib gol muallifi Azizbek Turg‘unboyev o‘yin borasida o‘z fikrini aytib o‘tdi.
Azizbek Turg‘unboyev: - Guvohi bo‘lganingizdek, o‘yin ancha qiyin bo‘ldi. Biz bu yerga uch ochko olish uchun kelgan edik.
Bu yil har bir ochko oltinga teng. Namangandan qo‘llab turish uchun kelgan muxlislarga ham rahmat. Mana bu yil chempionat yangi nom ostida boshlandi.
O‘yinlar ko‘rsatib beryapti, futbolimizda o‘zgarishlar ko‘zga tashlanyapti. Raqib ham yaxshi o‘ynadi, ammo g‘alaba qozonish bizga nasib etdi.
