Superliganing 2-tur bahslari doirasida Jizzaxning “So‘g‘diyona” jamoasi o‘z maydonida “Neftchi”ni qabul qildi va ushbu bahsda hisob ochilmadi. O‘yindan so‘ng uchrashuvning eng yaxshi futbolchisi deb topilgan Shoxruz Norxonov bellashuv borasida o‘z fikrlari bilan o‘rtoqlashdi.
- Avvalo bugungi stadionga kelib bizni qo‘llab-quvvatlagan muxlislarimizga katta rahmat. Noqulay ob-havo sharoiti bizga bahona bo‘la olmaydi. Bugun faqat g‘alaba uchun maydonga tushgan edik. Birinchi bo‘limda bir qator qo‘lay imkoniyatlardan foydalana olmadik.
Keyingi turga qadar xatolarimiz ustida ishlab yaxshi natija ko‘rsatishga xarakat qilamiz. “Neftchi” jamoasiga ham bugungi o‘yin uchun rahmat aytaman va keyingi o‘yinlariga omad tilayman.
“So‘g‘diyona” matbuot xizmati
