Avval xabar berib o‘tganimizdek, O‘zbekiston futbol Assosiasiyasining yillik taqvimi asosida yurtimizning barcha hududlarida 13 yoshdan 17 yoshgacha bo‘lgan beshta yosh toifadagi guruhlarda futbol bo‘yicha Respublika birinchiligining dastlabki bosqich musobaqalari bo‘lib o‘tmoqda.
Maxsus futbol maktab-internetlari, Olimpiya zaxiralari kolleji, Bolalar va o‘smirlar futbol maktablari, Ixtisoslashgan bolalar va o‘smirlar sport maktablari hamda Bolalar va o‘smirlar sport maktablarining futbol tarbiyalanuvchilari o‘rtasida tashkil etilayotgan musobaqaning dastlabki bosqich bahslari Qashqadaryo viloyatida bo‘lib o‘tdi. Unda jami 100ta jamoa ishtirok etdi.
Musobaqa davomida Superliga akademiyalari seleksionerlari iqtidorli yosh futbolchilarni saralab olishdi.
Musobaqada g‘olib chiqqan quyidagi jamoalar O‘FAning 2018 yil taqvim rejasiga asosan o‘tkazilishi rejalashtirilgan Respublika bosqichida ishtirok etish huquqini qo‘lga kiritdi:
13 yoshlilar o‘rtasida – Kasbi BO‘FM
14 yoshlilar o‘rtasida - Kasbi BO‘SM
15 yoshlilar o‘rtasida - QarshiFMI
16 yoshlilar o‘rtasida - Kasbi BO‘FM
17 yoshlilar o‘rtasida - Kasbi BO‘FM
