Аввал хабар бериб ўтганимиздек, Ўзбекистон футбол Ассоциациясининг йиллик тақвими асосида юртимизнинг барча ҳудудларида 13 ёшдан 17 ёшгача бўлган бешта ёш тоифадаги гуруҳларда футбол бўйича Республика биринчилигининг дастлабки босқич мусобақалари бўлиб ўтмоқда.
Махсус футбол мактаб-интернетлари, Олимпия захиралари коллежи, Болалар ва ўсмирлар футбол мактаблари, Ихтисослашган болалар ва ўсмирлар спорт мактаблари ҳамда Болалар ва ўсмирлар спорт мактабларининг футбол тарбияланувчилари ўртасида ташкил этилаётган мусобақанинг дастлабки босқич баҳслари Қашқадарё вилоятида бўлиб ўтди. Унда жами 100та жамоа иштирок этди.
Мусобақа давомида Суперлига академиялари селекционерлари иқтидорли ёш футболчиларни саралаб олишди.
Мусобақада ғолиб чиққан қуйидаги жамоалар ЎФАнинг 2018 йил тақвим режасига асосан ўтказилиши режалаштирилган Республика босқичида иштирок этиш ҳуқуқини қўлга киритди:
13 ёшлилар ўртасида – Касби БЎФМ
14 ёшлилар ўртасида - Касби БЎСМ
15 ёшлилар ўртасида - ҚаршиФМИ
16 ёшлилар ўртасида - Касби БЎФМ
17 ёшлилар ўртасида - Касби БЎФМ
