Ayni kunlarda butun Respublikamizda bayram shukuhi hukmron.
Shu munosabat bilan bugun “Lokomotiv” jamoasi futbolchilari poytaxtimizdagi 23-sonli mehribonlik uyiga tashrif buyurishdi.
Bunday hayriya tadbirlarini an’anaga aylantirgan “Lokomotiv” vakillari bu safargi tashrif davomida mehribonlik uyi tarbiyalanuvchilari bilan qizg‘in suhbat qurib, ularni Navro‘z ayyomi bilan qutlashdi.
Qolaversa, ushbu maskanning yosh o‘yinchilardan iborat futbol jamoasi bilan birgalikda ko‘rgazmali futbol bahsi ham o‘tkazildi. So‘ng mehribonlik uyi tarbiyalanuvchilari “Loko” futbolchilariga o‘zlarini qiziqtirgan savollar bilan murojaat qilishdi. Yakunda barcha birgalikda esdalik uchun suratga tushdi.
