Jahonning yetakchi terma jamoalari Mundialga munosib tayyorlanish maqsadida o‘rtoqlik o‘yinlarini o‘tkazishmoqda. Ispaniya terma jamoasi Madridda Argentinani qabul qildi.

"Barselona" hujumchisi Lionel Messi jarohat tufayli o‘z terma jamoasiga yordam bera olmadi. Ispanlar esa jangovar tarkibda harakat qilib, raqibni yanchib tashlashdi.

Mezbonlarning naq 6ta goliga argentinaliklar bir marta javob qaytara olishdi, xolos. O‘yinda "Real" yarim himoyachisi Isko xet-trikka erishgan bo‘lsa, Diyego Kosta, Alkantara va Aspas bittadan gol muallifiga aylanishdi. Argentinaning yagona gol Otamendi hisobiga yozildi.

O‘rtoqlik o‘yini
Ispaniya – Argentina 6:1 (2:1, 4:0)
Gollar: 1:0 – 12 Diyego Kosta, 2:0 – 27 Isko, 2:1 – 39 Otamendi, 3:1 – 52 Isko, 4:1 – 55 Alkantara, 5:1 – 73 Aspas, 6:1 – 74 Isko.
Ispaniya – De Xea, Pike (Aspilikueta, 72), Alba (Alonso, 79), Karvaxal, Ramos, Inyesta (Saul, 56), Koke, Asensio, Alkantara (Parexo, 82), Isko (Vaskes, 76), Diyego Kosta (Aspas, 46).
Argentina – Romero (Kabalyero, 22), Roxo, Otamendi, Talyafiko, Maskerano (Pavon, 56), Mesa, Bustos (Merkado, 62), Banega (Peres, 62), Bigliya, Lo Chelso (Akunya, 84), Iguain (Martines, 59).
Ogohlantirishlar: Talyafiko (68), Isko (68), Mesa (81), Roxo (87), Pavon (89).