FIFA prezidenti Janni Infantinoning ma’lum qilishicha, Yaqin Sharq va Osiyodagi investisiya fondi ikki yirik musobaqa huquqlari uchun 25 milliard yevro taklif qilgan.

Bular klublar o‘rtasida jahon chempionatining kengayirilgan varianti va terma jamoalar o‘rtasida jahon ligasi musobaqasi.

Infantino bu investorlarning nomini aytishdan bosh tortdi, ammo ular bu masalani tezroq hal bo‘lishiga umidvor ekanini ma’lum qildi.

FIFA kengashi Infantinoning bu taklifini rad qildi va bu masalani ko‘rib chiqish uchun chuqur va batafsil ma’lumot kerakligini aytdi.

Investorlar musobaqalar huquqlarini qo‘lga kiritsalar, musobaqalarning nazorati to‘liq ular tomoniga o‘tadi. Ular musobaqalarning tashkilotchilari bo‘ladilar va o‘tkazio‘ joylarini aniqlaydilar.

Ta’kidlanishicha, FIFA hech qachon o‘z tassarrufidagi musobaqalar nazoratini uchinchi tomonga bermagan va sotmagan.