ФИФА президенти Жанни Инфантинонинг маълум қилишича, Яқин Шарқ ва Осиёдаги инвестиция фонди икки йирик мусобақа ҳуқуқлари учун 25 миллиард евро таклиф қилган.
Булар клублар ўртасида жаҳон чемпионатининг кенгайирилган варианти ва терма жамоалар ўртасида жаҳон лигаси мусобақаси.
Инфантино бу инвесторларнинг номини айтишдан бош тортди, аммо улар бу масалани тезроқ ҳал бўлишига умидвор эканини маълум қилди.
ФИФА кенгаши Инфантинонинг бу таклифини рад қилди ва бу масалани кўриб чиқиш учун чуқур ва батафсил маълумот кераклигини айтди.
Инвесторлар мусобақалар ҳуқуқларини қўлга киритсалар, мусобақаларнинг назорати тўлиқ улар томонига ўтади. Улар мусобақаларнинг ташкилотчилари бўладилар ва ўтказиў жойларини аниқлайдилар.
Таъкидланишича, ФИФА ҳеч қачон ўз тассарруфидаги мусобақалар назоратини учинчи томонга бермаган ва сотмаган.
