"Манчестер Сити"нинг норвегиялик ҳужумчиси Эрлинг Холанд шундай имконият пайдо бўлса, Мадриднинг "Реал" клубида фаолиятини давом эттиришга тайёр. Бу ҳақда El Nacional нашри хабар бермоқда.
Манба маълумотларига кўра, Холанд Килиан Мбаппе билан бир жамоада ўйнашга тайёр. Бу эса уларнинг бирга ўйнашни истамаслиги ҳақидаги миш-мишларга зид.
Бироқ Холанднинг атрофидагилар ҳужумчига "Барселона"га ўтишни маъқул кўришмоқда. Уларнинг фикрича, норвегиялик футболчи каталонияликлар сафида ўзини қулайроқ ҳис қилиши мумкин. "Барселона" таркибида Родри Эрнандеснинг борлиги ва Ламин Ямал билан бирга ўйнаш имконияти ҳам ушбу клуб фойдасига далил сифатида келтирилмоқда.
Жорий мавсумда Холанд барча мусобақаларда 10 та учрашувда иштирок этиб, 12 та гол урди.
