"Ан-Наср" ҳужумчиси Криштиану Роналду Саудия Арабистони чемпионати доирасида "Ал-Файсалий"га қарши учрашувдан кейин ўзига берилган мукофотни жамоадошига топширди.

Ар-Риёд клуби мазкур баҳсда 3:1 ҳисобида ғалаба қозонди. Португалиялик юлдуз рақиб дарвозасини бир бор ишғол қилиб, жамоасининг муваффақиятига ҳисса қўшди.

Учрашув якунлангач, Роналду баҳснинг энг яхши футболчиси деб топилди ва унга махсус соврин тақдим этилди.

Бироқ 41 ёшли ҳужумчи мукофотни ўзида қолдирмади. "Ан-Наср" сардори совринни жамоадоши Абдулла ал-Ҳамданга топширишга қарор қилди.

Ал-Ҳамдан ҳам "Ал-Файсалий"га қарши баҳсда самарали ҳаракатлари билан ажралиб турганди. У битта гол уриб, яна бир голга ассистентлик қилди.

Шу тариқа, Роналду жамоадошининг ўйинини алоҳида эътироф этиб, ўз мукофотини унга берди.

Эслатиб ўтамиз, "Ан-Наср" навбатдаги учрашувини 26 октябрь, душанба куни Осиё Чемпионлар лигаси доирасида "Ал-Васл"га қарши ўтказади.

41 ёшли Криштиану Роналдунинг Саудия Арабистони клуби билан амалдаги шартномаси 2027 йилнинг ёзигача мўлжалланган.