"An-Nasr" hujumchisi Krishtianu Ronaldu Saudiya Arabistoni chempionati doirasida "Al-Faysaliy"ga qarshi uchrashuvdan keyin o‘ziga berilgan mukofotni jamoadoshiga topshirdi.
Ar-Riyod klubi mazkur bahsda 3:1 hisobida g‘alaba qozondi. Portugaliyalik yulduz raqib darvozasini bir bor ishg‘ol qilib, jamoasining muvaffaqiyatiga hissa qo‘shdi.
Uchrashuv yakunlangach, Ronaldu bahsning eng yaxshi futbolchisi deb topildi va unga maxsus sovrin taqdim etildi.
Biroq 41 yoshli hujumchi mukofotni o‘zida qoldirmadi. "An-Nasr" sardori sovrinni jamoadoshi Abdulla al-Hamdanga topshirishga qaror qildi.
Al-Hamdan ham "Al-Faysaliy"ga qarshi bahsda samarali harakatlari bilan ajralib turgandi. U bitta gol urib, yana bir golga assistentlik qildi.
Shu tariqa, Ronaldu jamoadoshining o‘yinini alohida e’tirof etib, o‘z mukofotini unga berdi.
Eslatib o‘tamiz, "An-Nasr" navbatdagi uchrashuvini 26 oktyabr, dushanba kuni Osiyo Chempionlar ligasi doirasida "Al-Vasl"ga qarshi o‘tkazadi.
41 yoshli Krishtianu Ronalduning Saudiya Arabistoni klubi bilan amaldagi shartnomasi 2027 yilning yozigacha mo‘ljallangan.
