Мадриднинг «Реал» клуби англиялик қанот ҳимоячиси Трент Александер-Арнольднинг жамоадан кетишини талаб қилмаяпти. Бу ҳақда журналист Экрем Конур ижтимоий тармоқларда хабар бермоқда.
Шу билан бирга, «қироллик клуби» фойдали таклиф келиб тушган тақдирда уни кўриб чиқиши мумкин. Александер-Арнольднинг трансферига асосий тўсиқ унинг юқори маоши ҳисобланади.
«Ливерпуль»дан кўчиб ўтганидан сўнг Трент «Реал»нинг асосий таркибидан муқим ўрин эгаллай олмади.
Юлдуз ҳимоячининг трансфер қиймати 60 миллион еврога баҳоланмоқда. Унинг «Реал» билан шартномаси 2031 йил июнь ойининг охирига қадар амал қилади.
