Italiya chempionati 33-tur bahslarini «Inter» hamda «Kalyari» jamoalari o‘rtasidagi uchrashuv ochib berdi.

Bellashuvda «Inter» mehmonlar darvozasiga javobsiz 4 ta gol kiritishga erishdi. Milan klubi gollariga Joau Kanselu, Mauro Ikardi, Marselo Borzovich va Ivan Perishich mualliflik qildi. Shu tariqa «Inter» uch o‘yindan buyon davom etayotgan g‘alabasiz seriyasiga chek qo‘ydi.

Mazkur g‘alabadan keyin «Inter» 63 ochko bilan uchinchi pog‘onaga ko‘tarildi.

A Seriya, 33-tur
17 aprel, seshanba
«Inter» — «Kalyari» 4:0
Gollar: 1:0 – 3 Joau Kanselu, 2:0 – 49 Ikardi, 3:0 – 60 Brozovich, 4:0 – 90 Perishich.